Tuesday, September 11, 2007

هلت نسائم الرحمة

السلام عليكم ورحمة الله وبركاته
انتم شامين اللى انا شامه
استنشق كده الهواء وخد نفس وقولى شامم ايه وحاسس بايه
مش حاسس ان فيه ريحه غريبه فى الجو
ريحه مميزه وجميله
مش حاسس بانشراح فى صدرك
الحقيقة انا من يومين كده تقريبا وحاسس ان فيه ريحه هلت كده على الجو مره واحده
لدرجة انى النهاره خلصت شغلى وحسيت انى عايز اتمشى
اتمشيت كتير قوى ومكنتش حاسس بتعب بالعكس كنت مستمتع رغم ان جو اسيوط بالنهار مش ظريف ابدا
بس الحقيقة انا مكنتش عارف تفسير ده ايه؟ ومكنتش فاكر اصلا ان فيه حد واخد باله لغاية من دقيقتين بس وانا حاليا معى على الماسنجر زميلى ابن حجر وسألنى السؤال ده
ابن حجر: انت مش بقالك يومين كدة شامم ريحة رمضان فى الجو ؟؟
الباحث:(بصراحه اتفاجئت لكن ما توقعتش فقلت اسأله يعنى ايه) إزاى يعنى؟
ابن حجر: الجو هنا له ريحه غريبه
الباحث: تقصد الجو يعنى الطقس ولا جو المدونات؟
ابن حجر: الطقس ..رمضان له ريحه مميزه
الباحث: فعلا والله من امبارح بالليل وانا شامم ريحه غريبه ومميزه
ابن حجر: ومش انا بس ..لأ ده المدير بتاعى كمان النهارده
ابن حجر: واخويا
ابن حجر: وامى
ابن حجر: وانت لو سألت الناس حواليك هيقولولك كده
الباحث : فعلا سبحان الله
ابن حجر: ايه رأيك نكتب موضوع عن ده بس اكتبه انت علشان انا اسلوبى جاف بتاع مقدمات ونتايج وتحليل اكتبه انت ونعرف رأى الناس يا ترى هما كمان حاسين بالتغيير فى ريحة الجو
سبحان الله مش لاقى تعليق مش لاقى كلام مش لاقى تفسير ..لسه الموضوع بنتكلم فيه ومكناش محضرين له فعلا سبحان الله
هلت نسائم الرحمة
يقول رسول الله صلى الله عليه وسلم
إِذَا دَخَلَ رَمَضَانُ فُتِّحَتْ أَبْوَابُ الْجَنَّةِ وَغُلِّقَتْ أَبْوَابُ جَهَنَّمَ وَسُلْسِلَتِ الشَّيَاطِينُ رواه البخاري ومسلم
الجنه فتحت ابوابها يا مسلمين ..رمضان كريم عليكم جميعا وعلى الامة الاسلامية
وده لينك جميل جدا لصفحه فيها احاديث عن شهر رمضان
كل عام وانتم بخير
وشكرا للزميل ابن حجر الذى جائنى باللينك وهو صاحب الفكره وقد شاركنى فى اعداده .فهو من اعداده وتقديمى

21 comments:

ابن حـجـر الـعـسـقـلانـى said...

أخى العزيز الباحث ... أنت أخ كريم و ذو خلق عال..و حس ذوقى راق.. و جب على أنا أن أشكرك .. لا انت أن تشكرنى
جمعنا الله و سائر مشاركينا و زائرينا فى الجنة مع النبيين و الصديقين و الشهداء و الصالحين و حسن ألئك رفيقا

كل عام و انتم جميعا بخير

الباحث عن الحقيقة said...

لا ده تأثير الجو بس
بعد رمضان هتلاقينى شلت اسمك
.......
حقك يا عم وياريت بعد كده لما تجيلك فكره اكتبها انت
اكيد انت هتعبر افضل لانك هتكون حاسس بيها اكتر
فيه ناس هتقولى طب ماتقوله الكلام ده على الماسنجر
اقولكم لانه سابنى وراح ينام وفوجئت برده ده وهو بيقولى تصبح على خير
قلت افاجئه بكره بقى لما يشوفه
كل سنة وانتم طيبين

فارس عبدالفتاح said...

الإخوة الأفاضل / ابن حجر العسقلاني والباحث عن الحقيقة المحترم

كل رمضان وانتم بخير

ونشكركم على اختبار عقولنا واستدراجنا إلى فخاخ لغوية ومعنوية

الأخ الباحث عن الحقيقة

أريد أن أوضح شي من الموضوع السابق بحيث انك جمعتني أنا وأخ فاضل على إنكار عقولنا هذا العنوان الذي وضعته .

وهنا أقول لقد قلت إني لم افهم هذا العنوان بمعني الاستيعاب والفهم والتلقي ..

ولكنك جمعتني مع الأخ الذي أنكر عليك هذا العنوان بمعنى انه فهم العنوان ولكنه أنكر وقال بعدم صحته ، أو انه لم يفهمه ولم يقبله وأنكره دون فهم صحيح .

وهذان أمران مختلفان الفهم الاستيعاب والتلقي ،، والإنكار والجحود والرفض المطلق .

فانا لم أنكر ولم ارفض ولم أجحد بهذا العنوان ولكن لم افهمه واستوعبه وأتلقاه على النحو الصحيح ..


فطلب التوضيح والشرح لا أكثر ولا اقل ..

هذه الأمور الغوية والكلامية قد تخطيتها وتجاوزتها بما انك كنت تشرح موضوع كلامي ولغوي - ووضعت عدم الفهم - مع الإنكار - وهذا مخالف لما جئت به من القواعد الغوية والكلامية .

مع الاحترام والتقدير



الأخ / عصفور المدينة المفاضل


شكراً لك على الشرح والتفصيل والإيضاح وجذاك الله خير

عفواً

الصلاة من معانيها الغوية (الصلة) وقد يكون من معانيها الدعاء كما قلت

رفقة عمر said...

كل سنه وحضرتك طيب

ربنا يتقبل منك صالح الاعمال اللهم امين
رمضان كريم

عصفور بلا أجنحة said...

كل سنة وانت بالف صحة واقرب من اللة طاعة

مشروع انسان said...

رمضان كريم عليكم
ومتقبلا باذن الله
وشهر لهجر المعاصى والشهوات
واتباع الرحمن
تقبل الله طاعتكم

الباحث عن الحقيقة said...

الاخ / فارس عبد الفتاح
وعليكم السلام ورحمة الله وبركاته
قلت ما ذكرته انت وعموما سوف اقوم بمراجعة الموضوع بما يرضيكم اخى الكريم
والصلاه معناها اللغوى الدعاء وليس الصله من معانيها ولكن يستخدمها الشراح عند الحديث عن الصلاة واهميتها الشرعية بانها صلة بين العبد وربه فالصلة اذن معنى مجازى وليس حقيقى يراد به التوضيح والله اعلم

الباحث عن الحقيقة said...

الاخت الفاضله/ رفقة عمر
كل عام وحضرتك بخير
وتقبل الله منا ومنكم صالح الاعمال

*************
الاخ الكريم/ عصفور بلا أجنحه
كل سنة وحضرتك بألف خير وصحه وسلامه
وشكرا على تشريفك الكريم بزيارة المدونه

*************
الاستاذ الفاضل/ امام الجيل
رمضان كريم عليك وعلى كل المسلمين ان شاء الله
ربنا يتقفبل منا ومنكم
ويرزقنا حسن الاقبال عليه فى هذا الشهر الفضيل وشكرا لزيارتك الجميله للمدونه

عصفور المدينة said...

كل عام وأنتم بخير وبعيدن ابقى فتح
الأخت عصفور بلا أجنحة مش أخ

الباحث عن الحقيقة said...

اخ..انافى غاية الاحراج
ودى تتحل ازاى بقى

الاخت عصفور بلا اجنحة
اعتذر عن الخطأ غير المقصود وانا فعلا اكتشفته بعد الرد حين سعيت لرد الزياره فى مدونتكم
محرج جدا انما هنعديها علشان خاطر رمضان وهعمل يعنى انى مش محرج ولا حاجه
كل سنة وانتى بالف خير

الباحث عن الحقيقة said...

استاذى عصفور المدينة
امال اقول الراجل عملها باين وبدأ برنامج الانقطاع
وقعدت محتار اقولك هنا كل سنه وانت طيب ولا اروحلك المدونه ولا ابعتلك ايميل
الحمد لله انك متواجد معنا
كل سنة وانت طيب
وان شاء الله هفتح المره الجاية ..هدخل على بروفايل الناس قبل ما ارد
حاضر يا استاذ
رمضان كريم وبلاش تكتر من المحشى يبتاع محشى الحمام

مؤمنه said...

السلام عليكم ورحمة الله وبركاته
أه فعلا أنا حاسه ان الجو ربيع اليومين دول وفعلا الجو فيه احساس بالفرح
انا النهارده انتابنى احساس بالفرح لم أعرف سببه رغم أننى كنت قبل ذلك فى حالة حزن
لكن فعلا قدوم رمضان حاسه انه غير الناس والدنيا كلها
الواحد فرحان أوى
يارب تكون الدنيا كلها رمضان
اللهم بلغنا رمضان وتسلمه منا مقبولا
دومت بخير أخى الكريم
وجزاك الله كل خير على هذا التنويه الرائع
حياك الله
والسلام عليكم ورحمة الله وبركاته

جنـه said...

الحمد لله كده تاكدت اني مش مجنونه ولا بيتهيالي

اصل كل سنه قبل رمضان بقول ان الجو بيختلف علي دخول رمضان
بحس انه نقي قوي

وبحس كاني شايفه الملايكه ماليه الدنيا كلها

فيه حاله مختلفه وشئ مختلف

وكان الرد انهم يبصولي ويسكتوا
تقريبا حرصا علي مشاعري مابيرضوش يقولوا ايه المجنونه دي

فاخيرا الحمد لله
اطمنت علي عقلي

كل سنه وانتم طيبين

asmaa said...

تصدق فعلا عندك حق
رمضان له طعم مختلف
الجو كله بيكون مختلف
النسمات بتاعته بتكون ماليه الجو
النهارده ببص من الشباك لاقيت الاولاد بيهتفوا
والجو كله صوت هتاف الله اكبر وفى هوا جميل جدا الليله دى غير كل ليله
الجو اصلا جميل وخريفى وانا بحب الجو ده جدا هنا

رمضان كريم
كل سنه وحضرتك طيب

الباحث عن الحقيقة said...

الاخت الفاضله/ مؤمنه
الحمد لله ان رمضان ابدلك بالفرح بدلا من الحزن وخليها على الله ورمضان كريم
كل سنه وحضرتك طيبه

************

الاخت الفاضله / جنه
سعيد بتشريفك مدونتى لاول مره
وانا زرت مدونتك وعرفت اننا سبق وكتبنا فى منتدى واحد قبل كده لذلك انا سعيد بتواجدك هنا
وانتى مش مجنونه ولا حاجه
دى نسائم رمضان ..فعلا رمضان هبة من الرحمن لامة النبى العدنان
يعنى انتى مش مجنونه ولا حاجه إلا اذا ...كان فيه حاجه تانيه

الباحث عن الحقيقة said...

دكتوره اسماء
وعليكم السلام ورحمة الله وبركاته
اعتقد ان احساسنا ده بالجو والتغيير وبقدوم رمضان نعمة من عند ربنا ..معناه ان قلوبنا لسه بتستجيب للرسائل الربانية فى الكون
يارب نعرف نشكر نعمته دى علينا ونصوم رمضان كما يجب ونتقرب فيه من ربنا
كل سنه وانتى طيبه يا دكتوره اسماء

R.O.U.R.O.U. said...

كل سنة و انت طيب و كلوكوا طيبيين و بخير :D

Monzer said...

فعلا فيه مناسبات لها روائح تتعلق بالذهن
رمضان ليلة العيد، صباح صلاة العيد ويختلف العيد الصغير عن العيد الكبير بخصوص الذبائح
سبحان الله
من القاهرة لأسيوط العملية شغالة

كل عام وحضرتك بخير حال

حائر في دنيا الله said...

رمضان كريم
وتقبل الله منا ومنكم صالح الأعمال
وجعله الله شاهدا لنا لا علينا
لك تحياتي
السلام عليكم

الباحث عن الحقيقة said...

الاخت رورو

الاخ منذر

الاخ حائر فى دنيا الله

اشكركم جميعا على زيارتكم اللطيفه وكل عام وانتم بخير

عصفور بلا أجنحة said...

فعلا انا أخت مش أخ
شكرا للأستاذ عصفور المديبنة للأيضاح