Friday, May 9, 2008

انتي النهارده مش على ذمتي

هذه بعض العبارات التي يستخدمها الناس في الطلاق ومنها ما يقع به طلاقا ومنها ما لا يقع
ونقدم لكم بحثا صغيرا عبارة عن فتاوى مجمعة من فتاوى الازهر في بعض هذه العبارات
اولا : عبارات يقع بها الطلاق

قول الرجل لزوجته ( أنت من النهارده مش على ذمتى ) قاصدا به الطلاق يقع به طلقة واحدة
المفتي أحمد هريدى .رجب 1389 هجرية - 5 أكتوبر 1969م

قول الرجل لزوجته ( تحرمى على زى أمى وأختى ) هو كناية من كنايات الظهار قصد به الطلاق عرفا ويقع به واحده رجعية.
المفتي أحمد هريدى .6 يوليو 1963 م

قول الزوج لزوجته (على الطلاق بالثلاثة مانتيش على ذمتى) اذا قصد به نفي النكاح في الماضي فهو جحود ولا يقع وان قصد به الحال يقع بالنية.
المفتي أحمد هريدى .4 سبتمبر 1968م

رجل قال عن سيدة ( هى زوجته ) ( أنى زوجها وهى مطلقة الآن ) ثم عاد وقال ( أنها غير مطلقة بتاتا ) اذا أدعى المقر الكذب فى أقراره دون دليل أو قرينة لا يقبل منه هذا الادعاء قضاء ويقبل منه ديانة .الرجوع فى الأقرار لا يقبل إلا فى حق الله تعالى .أما فى حق العباد كالطلاق فلا يقبل فيه الرجوع عن الأقرار. الأقرار بالطلاق كذبا يقع قضاء لا ديانة
المفتي أحمد هريدى .20 سبتمبر سنة 1966م

قول الرجل لزوجته ( كونى طالق ) يقع به الطلاق
المفتي حسن مأمون محرم 1375 هجرية - 24 أغسطس 1955 م

قول الرجل لزوجته ( على الطلاق بالثلاثة إن لم تأت بالمصاغ فأنت طالق ) هو طلاق معلق يقع به الطلاق عند قصده الوقوع الفورى
المفتي حسن مأمون .24 جمادى الثانية 1375 هجرية - 6 فبراير 1956م

قول الرجل لزوجته ( أخرجى محرمة على ستة أشهر مثلما حرمت أختى ) يقع به الطلاق عند نيته فورا وبدون تحديد أجل معين .
المفتي حسن مأمون ذى الحجة سنة 1378 هجرية - 29 من يونيه سنة 1959 م
...................................
ثانيا: عبارات لا يقع بها الطلاق

قول الرجل لزوجته ( سننفصل ) وكلا منا حر في حياته لا يقع به طلاق
المفتي جاد الحق عي جاد الحق ربيع الأول 1400 هجرية - 10 فبراير 1980 م

حلف الرجل بقوله (بالله العظيم أن لم تسافر معى لا تلزمنى) قاصدا التهديد فقط .هو جمع بين الكناية والحلف بالله. فلا يقع الطلاق سواء سافرت زوجته معه أم لا , اليمين بالله منعقدة فى ذلك وعليه التحلل منها بالتكفير عنها مادامت زوجته لم تسافر معه
المفتي جاد الحق عي جاد الحق رجب 1400 هجرية - 26 مايو 1980 م

قال (إنى لا أكون زوجها ولا هى تكون زوجتى ) ناويا به الطلاق من قبيل المضارع الذى لم يغلب استعماله فى الحال
الحال المفتي أحمد هريدى .5 يولية 1965م

قول الرجل لزوجته ( ثلاثة بالله العظيم ما تكونى مراتى تانى ) لا يقع به شىء من الطلاق - لعدم تغليب المضارع فى الحال
المفتي أحمد هريدى .25 سبتمبر سنة 1967م
ملحوظة : عدم تغليب المضارع على الحال :اي ان ألفاظ المضارع لا تستخدم غالبا في الطلاق للدلالة على وقوعه في الحال ..بل الغالب ان يكون اخبارا ولا حكم في الخبر سوى الصدق اوالكذب

قول الزوج لزوجته ( تبقى محرمة على زى أمى وأختى ) كلمة - تبقى محرمة - فالعرف جرى باستعمالها فى انشاء الطلاق فى الحال فيقع بها الطلاق
المفتي أحمد هريدي 25 يونيه سنة 1968م
ملحوظة :ذكرنا هذه الفتوى هنا وليس ضمن القسم الاول كمثال على المضارع الذي غلب استعماله في الحال

الخطاب المرسل من الزوج لزوجته والذى يقول فيه ( أقرر أن أختفى من حياتك ولا أقف فى سبيلك ) لا يقع به طلاق ولو نوى ذلك
ما يتلفظ به وقت ضجره مثل ( الواحد يتركها ويستريح أو بلاش دوشة ) لا يقع به طلاق .
مخاطبته لها فى خطاب بقوله لها ( أختى ) لا أثر له ولا يقع به طلاق
.المفتي أحمد هريدى .9 يولية 1967 م

قال لزوجته ( على الطلاق لا تأخذى ملابسك وأخذتها ) 2- قال ( على الطلاق أنى لم آخذ حاجة بعينها .وتبين بعد الحلف أنه أخذها ) . 3 - قال ( على الطلاق بالثلاثة أن زوجتى لا تسمى لى امرأة ولا زوجة ) اليمين الاول والثاني من قبيل اليمين بالطلاق واليمين بالطلاق لغو لا يقع
اليمين الثالث فقد اتفق الامام أبو حنيفة وصاحباه على أن من قال لزوجته لست لى بامرأة ولست لى بزوج مؤكدا باليمين لا يقع به طلاق
المفتي أحمد هريدى . أول يناير سنة 1966م

حلف بقوله على الطلاق بالثلاثة لا أزوج ابنتى لأى أحد من عائلتى .الحلف بالطلاق من صيغ اليمين بالطلاق .وهو لغو لا يقع به شىء، سواء وقع المحلوف عليه أم لا
المفتي أحمد هريدى .1 يولية 1963 م

قول الرجل لزوجته ( والله لأطلقك ) ليس طلاقا منجزا ولا معلقا ولا يقع به طلاق إنما هو توعد بالطلاق غير محدد بوقت معين
المفتي أحمد هريدى .29 يونية 1966 م

قال لها ( إن لم تشتغلى وتساعدينى على المعاش معى ما تكونى لى على ذمة ) من قبيل الطلاق المعلق على شرط فى المستقبل بكناية من كناياته التى جرى عرف الناس فى استعمالها فى الطلاق المعلق على شرط .ويرجع فيه إلى قصد الحالف وغرضه ان كان لا يقصد وقوع الطلاق بل مجرد حملها على العمل والتكسب فلا يقع
المفتي أحمد هريدي ربيع ثان سنة 1389 هجرية - 21 يونية سنة 1969م

قول الرجل لزوجته ( على الطلاق بالثلاثة ما انت مستنية باقية إذا كان فى العمر بقية ) ناويا تطليقها عقب عودته من الحجاز - هذه الصيغة من قبيل الحلف بالطلاق على إرادة الطلاق
المفتي حسن مأمون . رمضان 1374 هجرية - 4 مايو 1955 م

قول الرجل ردا على من سعى للصلح بينه وبين زوجته ( أنا مستغنى عنها ) لا يقع بها طلاق وانما هي لقطع مساعي الصلح
المفتي حسن مأمون .صفر 1375 هجرية - 9 أكتوبر 1955
..........................
اي شئ مش واضح ممكن نشرحه ونبينه انا قصدت الايجاز علشان مش اطول عليكم

27 comments:

la3lahakhier said...

لا يا خويا طول طول متعنا الا احنا يعنى مابنسمعهاش فى كل حتة تصور انا اذكر وانا صغيرة ان كان لنا جار بيطلق مراته اربعه وعشرين مرة كل يوم وعايشين ومخلفين عاتى عاتى
هما الناس عرفوا دينهم منين ذنبهم فى رقبة مين الله اعلم
كل التحية

la3lahakhier said...

اول تعليق كمان يلا اى خدمة

الباحث عن الحقيقة said...

لعلها خير
بجد مفاجأتون سعيدتون
واول تعليق كمان
ده احنا ندبح فرخة ونوزعها على الجيران
الناس ذنبها في انها ما بتسألش
على فكره في حالات كتير كده
يبقى الزوج رامي على مراته 100 يمين وبرضوا بيعيشوا ويخلفوا عاتي عاتي
وناس منهم بيقى عارفين ومطنشين ..اصلهم هيروحوا فين
والست تقولك اهي متلحقه في بيت راجل والسلام واسمه قدام الناس جوزها ومش مطلقها وإلا هتروح فين بالعيال يعني وتتشحطط
وغالبا ده بيكون في الاوساط الفقيرة وبين الاميين
ممكن استئذنك ما ندبحش الفرخة النهاردة
اصل الراجل البايع قلى ممكن تبيض
هههههه
منوره يا فندم

فرنسا هانم said...

عمنا الباحث ازيك كده
فى عباره شهيره عند العامه عندما تقع ابسط مشكله فى العلاقه الزوجيه
نسأل شيخ
ومع صحه هذه العباره وقوتها الا ان بعض الشيوخ الموجودين فى المساجد يفتون بغير علم
وربما اسمع فتوه لم اسمع بها من قبل
حتى ان احد الشيوخ قد حلل لمقاول انه يجوز له الا يعطى للعمال اجورهم طالما خسر مشروعا ما
وفات الشيخ المفتى ان المقاول قد كسب من قبل بنفس العمال الكثير ولم يشاركهم الربح
عموما
هذا مثل بعيدا عن العلاقات الزوجيه
ولكن فى نفس سياق اسأل شيخ
تحياتى لك
وشكرا على تلك الوجبه حتى لا نضطر الى ان نسأل شيخ

رئـــــيسـة حزب الأحلام said...

ربنا يكفينا شر الطلاق
وانا شايفة ان الرجالة اللى بتجيب فى سيرة الطلاق عمال على بطال دول يعنى حاجات مالهاش لازمة

حسبي الله ونعم الوكيل said...

تحياتى لهذا الموضوع والطلاق ابغض الحلال عند الله

الباحث عن الحقيقة said...

فرنسا فرنشيسكا
ايه التأخير ده يا ريسه
مش قصدى الصحيفة قصدي الاستراحة
والقصيدة الجميلة اللى فيها
اكيد علقتي هناك لما نشوف
وعموما اسأل شيخ اسأل شيييخ
اهو احسن ما كل واحد يمشي بدماغه
معلش مره تصيب مع شيخ ومره تخيب
واهو زي الدكتور ما يقدرش يطلع العيان من غير روشته
زيارة سعيدة يا فرنشيسكا

الباحث عن الحقيقة said...

رئيسة حزب الاحلام
والله معاكي حق
انا بعتبر اللى يجيب سيرة الطلاق عمال على بطال راجل مش متربي اصلا ومن بيئة متخلفة
فاكر ان دي رجوله يعني قال يعني اهو راجل اهو بيحلف بالطلاق

*************

حسبي الله ونعم الوكيل
اهلا وسهلا
تحياتي لهذا التعليق والطلاق ابغض الحلال عند الله
واللي ابغض منه اننا نحلف به عمال على بطال ده اسمه استهزاء بشرع ربنا شرعة وحدد امتى يكون وايه اللى يترتب على حصوله
يلا حصل خير

مـ~ـاجدولين said...

اصلا مافي داعي يجيب سيره الطلاق هذي مش رجوله

ربنا يهدي

هل حضرتك نفس الشخص صاحب مدونه استراحه الكاشف او الكاشفه ربما ؟
عموما عجبني ان مدونتك هذه مختلفه وجاده

زرني في مدونتي

اكن لك من الشاكرين

تحيتي

الباحث عن الحقيقة said...

مجدولين
اهلا وسهلا بزيارة حضرتك الرقيقة
الصحيفة الكاشفة واستراحة الكاشفة
الاتنين مدونتنا انا وزميلى ابن حجر العسقلاني الشهير بعسقول
وليس لنا اي فروع اخرى
احنا اتنين اصدقاء : توأم تدويني
ويسعدنى جدا دعوتك لنا بزيارة مدونتك

الباحث عن الحقيقة said...

خيخة واى اى كلام بصراحة
رد على الاخت خيخة اللى قاعدة تتمرجح في الشات بوكس
يا خيخة
راجل قال لزوجته لو ما نزلتيش معايا تبقى طالق
ده طلاق معلق على شرط والسؤال هل قصد التهديد ام نية الطلاق فعلا؟

ثم لما رجع بالليل سألته : انت كده تبقى طلقتني قالها ايوه

يبقى خلاص يا خالتي ام شريف كده وضحت الرؤية

وبعدين ابوها قعد اقنعه انه يرجع مراته فراح رفع سماعة التليفون وقلها انا رجعتك وهي قالت موافقه على الرجوع

جاية بعد ده كله تسأليني هل هذه طلقه؟؟؟

لو اللى حصل ده مش طلاق ..امال الطلاق يبقى شكله ايه

يا بنتى دي حاله تدرس في الكتب كحالة نموذجية اللى انتى ذكرتيها دي
هو انتى بتاكلى ايه عند ماما خلى مخك مش مركز كده
قلنا سيف هير للشعر المتغطي ..للشعر يا ماما مش للاكل
امال شريف بيروح الحضانه ازاى
بطلى تنطيط بالواد بقه

همس الاحباب said...

طبعا جزاك الله خيرا
وكفانا شر الطلاق
هو ابغض الحلال عند الله الطلاق
تحياتى وتقديرى
خالد

mostafarayan said...

السلا معليكم
دي اول زيارة ليا عندك وألاقي موضوع الطلاق
بص انا مش متجوز وان شاء الله لما اتجوز ربنا مايجبش طلاق ولا حاجة
علي العموم شكرا لك علي هذه المعلومات القيمة

جني said...

مولانا الباحث
كيف حالك لعلك بخير
تفتكر الجماعة المأذونين ( جمع مأذون ) لو تم اختتبارهم في المعلومات التي ذكرتها يحصلوا على كم في الميه ؟
بمناسبة الطلاق ما رأيك في رجل طلق خمس زوجات في جلسة واحدة ؟؟
أكيد تعرفها
أحكيها وما تقوليش العجل في بطن امه..
سلام ياعمو
said

الافغاني said...

موضوعات رائعة جدا في هذة المدونة


يسعدني ان تزوروا مدونتي

الباحث عن الحقيقة said...

همس الاحباب
منور يا استاذ خالد شوكرا لزيارتك
وحضورك يسعدني

*******************
مصطفى ريان
اهلا وسهلا بحضرتك في المدونة
اسعدني تواجدك

الباحث عن الحقيقة said...

جنى
انا برضة كنت حاسس ان مولانا الباحث دي فيها سر
المأذون عمله الاساسي انه موثق لعقود الزواج والطلاق
ومش مطلوب منه يفتي
وان كان لازم يكون على علم طبعا
افرض واحد جه قله انا عايز اطلق مراتي انا قلت على الطلاق كذا وهي ما سمعتش كلامي
فيروح مطلقها على طول
بينما يمين الطلاق يمين لغو لا تقع
اجابة السؤال التاني
العجل في بطن امه
ما سمعتش عن الواقعة دي
عموما لو دي افتكاسه اقولك في جلسه واحده طلق اربعة واتجوز خامسه ثم طلقها كل هذا في نفس الجلسة ..ايه المشكله؟؟ بتحصل عادي

*************
الافغاني
انت جاي تقر بقى
ههههههههه
اهلا وسهلا بحضرتك يسعدنا زيارتك

جني said...

صاحب الفضيلة الباحث
مش عارف ايه السر في مولانا؟
طب ايه رايك في صاحب الفضيلة ؟ رجل مثلك صاحب علم غزير يجب ان ينادى بأفضل الأسماء ..
وهذا حالي مع إخواني المكوكلين ..
المهم سيدي الكريم قلتلي برضه العجل في بطن امه ..
شوف العجل قصدي الحل
رجل متزوج من أربع نساء طلق الأولى لخلاف ما في حضور نسائه الأخريات فاعترضت الثانية واتهمته بالظلم فطلقها فثارت الثالثة محتجة فطلقها فسبته الرابعة فطلقها ..
وكان ذلك في حضور جار له وزوجته .. فقالت زوجة جاره ياراجل يامفتري تطلق نسوانك الأربعة مرة واحدة .. فقال لها وأنت طالق من زوجك إن اجازني زوجك .. فقال جاره قد أجزتك وهي طالق ..
فما رأيكم دام ودكم ؟
هل يقع طلاق زوجة الجار بهذا الشكل ؟
تحياتي ومنتظرك
said

الباحث عن الحقيقة said...

انت ايه عفريت
هههههههه
تعرف انا مره قريت في فتوى حول الطلاق احدى عشر فتوى مختلفه في سؤال واحد عن الطلاق
مسألتك دي والله اعلم
يقع فيها الطلاق..ليه؟
الاجازه : هي قول صادر عن من يملك لتصحيح فعل صدر عمن لا يملك في ملك من يملك وهو المجيز
فهمت حاجه
احسن
فتصحح الاجازة ما صدر من الجار
ولكن الطلاق هنا لا يقع إلا من وقت قول الزوج المجيز : أجزتك
وتكون اجزتك هنا بمعنى نعم فهي طالق
.........
واذا اعتبرناه تفويض والتفويض في الطلاق جائز فإنه يلزم الجار ان يعيد الصيغة مره اخرى فالتفويض لا يصحح ما صدر قبله فليزمه بعد ان يجيزه ان يقول لزوجة جارة : انت طالق
ويقع الطلاق متى تلفظ به وان تأخر بعد حصوله عن التفويض

طب المسألة دي يا عم الحاج اجازة ولا تفويض؟
اللفظ واضح ولا هي فلسفه وخلاص
هذه اجازه والطلاق يقع والله اعلم
واياك اشوفك في الموضوع ده تاني
استنى الموضوع الجديد بقى

shaimaa elgarhy said...

بجد كل ما أدخل المدونه هنا بستفيدجداً
بمعلومات قيمه فعلا...جزيت عنا كل خير

اما عن موضوع ان الناس بتحدف اليمين كده عمال على بطال فده ربنا يعيذنا منه ...

ولك ان تتخيل كم الناس اللى فعلا بتحلف بيمين الطلاق ...ومع ذلك تستمر فى الحياة الزوجيه ولا كأن حاجه حصلت

ويعيشوا فى حرام...وذريتهم من حرام ...معاذ الله

تصدق بالله أنا حاسه إن الكوارث اللى بتحصل لللأمه الاسلاميه دى بسبب إن فيه جهل شديد بالدين

يلا ربنا يتولانا

اه صحيح ...ليك عندى تاج انما ايه ...حلو كده ..هيخلك تلف حوالين نفسك ..تعالى وجاوب عليه بسرررعه

نهر الحب said...

جزاك الله خيراا على الافادة

بارك الله فيك
تعلم فى كثير لا يعلمون ان فى كلمات بسيطة يقولوها وتحدث اشياء واجبة الفعل وهم فى غفله عنها
كل الاحترام

راجى said...

السلام عليكم
ازيك يا مولانا
ممكن بقى تقول لى ايه حكاية يقع الطلاق قضاء وليس ديانة؟
وشكرا

مجداوية said...

السلام عليكم

مش تسأل التلميذة مجداوية محضرتش ليه
مش يمكن أكون زى الهدهد جئتك بنبأ
طيب مش الخد الغياب
ايه المدرسة اللارج دى
ما علينا
يعنى يا مستر الناس كلها على كده عايشة مع بعض فى الحرام ؟؟ ولا كل ده لغو ؟؟؟
أكاد أجزم ان فيه حالات كثيرة وقع فيها الطلاق أكثر من مرة وعايشين مع بعض مفيش مشكله أصل كان غضبان
طيب ممكن نعرف صيغة تطليق المرأة لنفسها
طبعا مفيش روح وانت طالق زى الأفلام
بتكون الصيغة ايه اللى هو بيكون فى حالة ان العصمة بيدها

وزعلانة عشان المدرسة مش بتسأل على تلاميذها المزوغين قصدى الغايبين

الباحث عن الحقيقة said...

شيماء الجارحي

سعيد انك لسه فاكرانا اهو وبتزورينا
وشكرا على التاج يا فندم
ان شاء الله اجاوبه قريب

****************

نهر الحب

كل التقدير والاحترام لحضور حضرتك
واسف على التقصير لاني مشغول جدا

الباحث عن الحقيقة said...

راجي
والله واحشني وبكون سعيد جدا بحضورك
بص يا سيدي الفرق بين القضاء والديانه
يقع قضاء : اي المسأله لو عرضت على القاضى وجب عليه الاخذ بالظاهر وهو انه تلفظ بالطلاق وقال ان زوجتى طلقتها

ولكن لا يقع ديانة : اي ان اذا نيته انه مكنش يهزر ولكن نيته الكذب فهذا الطلاق لا يقع ديانة
طب ايه الفرق ..قلنا يقع قضاء هنا عقوبه له حتى لا يأتي احد ويقول زوجتى مطلقه ثم يرجع في كلامه ويقول كنت بكذب او بهزر- فلو قلنا لا يقع يبقى هنفتح الباب للتحايل على الشريعة
لذلك قالوا لو عرضت على القضاء يبقى القاضي يقول تقع
اما نيته فهي بينه وبين ربنا

الباحث عن الحقيقة said...

مجداوية
والله يا مجداوية الموضوع اللى مش بتيجى فيه ببقى متضايق وبروح فعلا ازور مدونتك
واخر مره جيت اكتب رد على قصة كاترين النت فصل
وللاسف افتكرت انى زرت مدونتك ونسيت خالص ان التعليق ما اتبعتش
وانا قاعد منتظرك هنا وزعلان انك مش بتيجي
بس اعمل ايه ؟ اروح اقول للناس تعالوا زروني
انما طبعا زيارتك مهمه بالنسبالي وكمان الاخوات صبرني يا رب وعاشقة الفردوس لانهم متابعين زى حضرتك من البداية واحب انهم يستفادوا
ان شاء الله ينزل موضوع جديد الليله
معلش دماغي مشحونه بحاجات كتير

la3lahakhier said...

لك عندى تاج تعالى خده