Sunday, May 25, 2008

الجزية ..نظرة سياسية

فلسفة الجزية واهدافها الاستراتيجية
ان الدولة الاسلامية الناشئة الجديدة دولة مهددة من جيرانها- عرب مكة يسعون للقضاء عليهم لانهم يهددون نفوذهم الديني مما يؤثر تبعا على الاقتصاد المكي اثر بالغ لان المواسم الدينية هى فرصتهم لبيع سلعهم التى جلبوها من الشام او اليمن فسعت مكة اولا لتولي مهمة القضاء على دولة المسلمين بنفسها فمنيت بهزيمة عسكرية كان لها دوي اعلامي في غاية التأثير - فعاودت الكره اخذا بثأرها في غزوة احد فعادت خائبة لم تحقق اهدافها من القضاء على دولة الاسلام فيما سماها المؤرخون العرب هزيمة للمسلمين وهذا لجهلهم العسكري رغم وضوح الحقائق التي اثبتتها ايديهم
ان الهزيمة العسكرية لا تحسب بعدد الجيش او ما تبقى منه ولا بعدد القتلى وانما بالواقع الميداني..وجميع كتب المؤرخين تثبت ان معركة احد انتهت بمطاردة جيش النبي لجيش مكة حتى قرية حمراء الاسد
وللاسف يعدها جميعهم غزوة مستقله بينما هي كانت في اليوم التالي للمعركة والدليل انها بقية من غزوة احد ان المشركين كانوا لم يحسموا مغادرتهم لأرض المعركة وكانوا يريدون ان يغيروا على المدينة لسحق المسلمين فلما رأو جيش محمد يعود لاذوا بالفراريقول ابن حزم في جوامع السيره فظفر رسول الله صلى الله عليه وسلم في خروجه بمعاوية بن المغيرة بن العاص بن أمية، فأمر بضرب عنقه ) جوامع السيرة ابن حزم الاندلسي
ونمسك هنا خشية الاطالة وتجاوز الموضوع الذي نريده هنا في هذا المقال
فمن المهزوم اذن المطارد ام الطريد ؟ الذي ثبت على الارض محتلا للميدان ام الذي فر من الميدان؟
ولان هذا لم يكن نصرا عسكريا يطمئن قريش بل هو اشبه بعصابة اغارت فلما ظنت انها ظفرت فرت وولت
فقد سعت لتكوين جيش من الحلفاء للقضاء على دولة النبي واستطاعت ان تضم إليها يهود خيبر بل واحداث فتنة داخل الدولة بأستمالة يهود بنو قريظة وكان بينهم وبين النبي معاهدة فنبذوها وراء ظهورهم
وهكذا ظل امر دولة الاسلام مهددا من جيرانها بعد ذلك الروم من جانب والفرس من جانب
وهذه مقدمة نلج منها الى الحديث عن
فلسفة الجزية
دولة النبي دولة بزغ نجمها العسكري - مما جعل البعض يهادنها لعدم قدرته على مواجهة الجيش الاسطوري وفي نفس الوقت يضمر لهم المكائد كما فعل المعاهدين من اليهود من هنا شرعت الجزية كعمل سياسي يحقق اهدافا استراتيجية تحمي دولة الاسلام ودعوتها التى لا تعترف بحدود
هذه الاهداف الاستراتيجية ابرزها كالتالي
أولا: كسب الحرب النفسية بهزيمة انفس العدو الاستعلائية التى تحرك حقدهم على الاسلام مما يزيل سدا مانعا لهم من التفكر في حقيقة الاسلام وهو الاستعلاء الذي منع اهل مكة من الاسلاميوضح هذا الهدف الاستراتيجي قوله تعالى : حتى يعطوا الجزية عن يد وهم صاغرون
ثانيا: تحقيق التبعية السياسية -وهى عدم دخولهم في احلاف مناهضة للمسلمين
ثالثا: استنزاف القدر الذي كان يمكن للعدو صرفه في تقوية جيشه مما يجعله خطرا على المسلمينفلا شك ان اولويات الانفاق القومي للعدو هي المأكل والمشرب وانه يوجه الفائض للمجهود العسكري - فكانت الجزية تستنزف جزءا اكيدا من هذا القدر الذي يجعل الانفاق الحربي للعدو محدودا
رابعا: تحقيق الولاء الامني - بمعنى عدم مشاركتهم فيما يضعف المسلمين من مكائد وفتن لان قوة المسلمين هى التى تحميهم مقابل الجزية التى يدفعونها
خامسا: تمرير دعوة الاسلام الى النفوس من خلال سماحة المسلمين في اخذ الجزية واسقاطها عن غير القادر او المن عليهم بها كما فعل عمر بن الخطاب بأرض السواد من العراق وهو عكس ما كان يلاقيه القوم في ظل حكم الروم والفرس والموالين لهما
وهذا ملخص قول الامام القرافي كمان نقله ابن الازرق في كتابه بدائع السلك في طبائع الملك:أن الجزية مشتملة على التزام مفسدة قليلة(اي ترك الكافر على كفره )، لدفع مفسدة عظيمة، وتوقع مصلحة علياوذلك لأن الكافر إذا قتل، فاته الإيمان، فشرعت الجزية رجاء أن يسلم في المستقبل. وإذ ذاك فتتبعه ذريته وتتصل سلسلة الإسلام من قبله، وإن مات على كفره، فإسلام ذريته متوقع إلى يوم القيامة ) بدائع السلك ج1 ص201 بتصرف
الجزية ليست حبا في المال ولا سعيا له
ان الاموال التى كان يجنيها المسلمون من دافعي الجزية لا تساوي شيئا مما كان يجمعه بيت المال من زكاة اموال المسلمين وتجارتهم ولا المكاسب التي كانوا يحققونها اما من مغانم قتال او تجارة
فالمال اذن لم يكن هو هم المسلمين من اخذ الجزية ..ولم يكن سعيهم للقتال او الجهاد في سبيل المال بل ان القرآن الذي هو دستور المسلمين وقانونهم الاعلى كان يذم جمع المال ( وَتَأْكُلُونَ التُّرَاثَ أَكْلًا لَمًّا (19) وَتُحِبُّونَ الْمَالَ حُبًّا جَمًّا (20) سورة الفجرويتوعد على عدم انفاقه اشد الوعيد حيث يقول : وَالَّذِينَ يَكْنِزُونَ الذَّهَبَ وَالْفِضَّةَ وَلَا يُنْفِقُونَهَا فِي سَبِيلِ اللَّهِ فَبَشِّرْهُمْ بِعَذَابٍ أَلِيمٍ (34) يَوْمَ يُحْمَى عَلَيْهَا فِي نَارِ جَهَنَّمَ فَتُكْوَى بِهَا جِبَاهُهُمْ وَجُنُوبُهُمْ وَظُهُورُهُمْ هَذَا مَا كَنَزْتُمْ لِأَنْفُسِكُمْ فَذُوقُوا مَا كُنْتُمْ تَكْنِزُونَ(35) سورة التوبه
كما انه لو كان المال مبتغاهم لأخذوها من عبدة الاوثان من العرب بينما قد نهاهم الله عن ذلك , قال الله تعالى: " تقاتلونهم أو يسلمون " سورةالفتح على عكس عبدة الاوثان والمجوس من العجموهذا ما رآه بعض مذاهب الفقة وذلك لان الدولة تحتاج الى تأمين حدودها القريبة وهذه مهة ملحة لا يمكن تركها على خلاف عبدة الاوثان من المجوس لبعد الديار اما اليهود والنصارى اهل كتاب سماوي يرجى اسلامهم اكثر مما يرجى في غيرهم
لقد عاش المسلمون زهادا لم يبنوا قصورا وعلى عكس المترفين من الاغنياء الذين كانوا يفاخرون بالعبيد كان اصحاب محمد يفاخرون بالعتقاء لقد عرف عصر عمر بن الخطاب بعصر الفتوحات فقد فتحت في عهده بلاد الفرس وبلاد الشام ومصر ولم يبلغنا عن ملبس عمر سوى انه كان به سبعة عشر رقعة على ما امتازت به الدول المفتوحة من تميز في صناعة الاقمشة والثياب
عدالة الجزية
هذا واذا عرفنا ما يلتزم به المسلمون في المقابل لما تكلم احد عن الجزية وهذا هو المقابل كما ذكره ابن الازرق قال:
ومن وعيد الإخلال بواجب العدل فيهم، بما لهم من ذمة الله ورسوله أمران
أحدهما: التعرض لمحاجة النبي صلى الله عليه وسلم. قال: من ظلم معاهداً أو انتقضه أو كلفَّه فوق طاقته أو أخذ منه شيئاً بغير طيب نفس، فأنا حجيجه يوم القيامة.
الثاني: براءة النبي صلى الله عليه وسلم. ممن تناهى به الظلم إلى قتل واحد منهم بغير حق. ففي صحيح ابن حيان أن الرسول صلى الله عليه وسلم قال: أيما من رجل آمن رجلاً على ذمة ثم قتله، فأنا من القاتل بريء، وإن كان المقتول كافراً. قال المنذري، وقال ابن ماجة فإنه يحمل لواء الغدر يوم القيامة. تفريع: قال القرافي فمن اعتدى عليهم ولو بكلمة سوء، أو غيبة في عرض أحدهم، أو نوع من أنواع الأذية، أو أعان على ذلك، فقد ضيع ذمة الله تعالى وذمة رسوله صلى الله عليه وسلم وذمة الإسلام. استظهار: قال وقد حكى ابن حزم في مراتب الإجماع له، أن من كان في الذمة، وقصده العدو في بلادنا، وجب الخروج لقتالهم، حتى نموت دون ذلك صوناً لمن هو في ذمة الله تعالى وذمة رسول الله صلى الله عليه وسلم. لأن تسليمه إهمال لعقد تلك الذمة انتهى ملخصاً) المرجع السابق
.................................................
من سخف القول
يأتي البعض بسخف من القول حين يقول ان غير المسلمين اسلموا ليرفعوا عن كاهلهم ثقل الجزية ولهؤلاء نقول ان المصالحة على الجزية نوعين كما اثبتها السرخسي في شرح السير الكبير:إما أن يصالحهم الأمير على إعطاء الجزية المقدرة على الموسع قدره وعلى المقتر قدره، أو يكون الصلح واقعاً على مال مجمل مقدركما صالح رسول الله صلى الله عليه وآله سلم أهل نجران على ألفي حلة كل سنة يؤدونها إليه
من هنا نعلم ان الجزية مقترنه في الحالة الاولى بالقدرة
وفي الثانية بتضامن القوم فيما بينهم وحمل غنيهم لفقيرهم
وفي دراسة مسيحية للباحث نبيل لوقا بباوي حول شبهة انتشار الاسلام بالسيف قال
ان 70% من الأقباط الأرثوذكس كانوا يعفون من دفع هذه الجزية ، فقد كان يعفى من دفعها: القُصّر والنساء والشيوخ والعجزة وأصحاب الأمراض والرهبان.
.......................
ملحوظة : جزء من بحث كنت نشرته في احد المنتديات تحت عنوان وقفة بين السيف والجزية -بتصرف

35 comments:

الساحرة said...

امضي اول تعليق واروح اقرا

الساحرة said...

ربنا يكرمك

فهمت الحمد لله هههههههه

انا اول تعليق يعني استضافه في الاستراحه بالمشروبات المجانيه

وياريت الساندوتشات كمان

الباحث عن الحقيقة said...

اه
انتي داخله على طمع بقى
تلاميذ اخر زمن
اوعي تكوني شايله مطوه في الشنطة ولا حاجه

بما انك فهمتي
حلي السؤال ده
مات وترك زوجة وبنتان واب وام
فكيف توزع التركة؟
يلا مش بتقولي قريتي حلي بقى

جني said...

عمنا الكبير
صباح الفل
قرأت الموضوع بتمعن
هاأروح ألملم أفكاري وأرجع لك
وها أجاوبلك على السؤال الموجه للساحرة ..
مش عارف حكايتك كل زوارك جان وسحرة
سلام موقت
السلام عليكم
said

واحدة مفروسة said...

انا بمضى حضور

الباحث عن الحقيقة said...

منور يا جن
أقرا بتمعن يا عم
اجيبلك حجر معسل من القهوة
ومنتظر جوابك على سؤالى للساحرة
طلعت فاهم في المواريث يا نصه
تتصور ترتيب غريب
في الاول تجيني ساحره
وبعدين ابص ألاقي جني
هي اللى محضراك ولا ايه
منتظرك

الباحث عن الحقيقة said...

واحده مفروسة
لو مجتيش تمضي انصراف مفيش مرتب اخر الشهر
وقد اعذر من انذر

الساحرة said...

استاذي مفيناش من الاسئله الصعبه دي

بس هجاوبك علشان بس اول مرة


للزوجه الربع

والام السدس

الاب السدس

والبنتان الثلثان


مستنيه نتيجه الامتحان

ولو صح عاوزة جايزة

اخد الاستراحه ايجار جديد

هههههههه بس احب اعرفك ان الراجل

اللي مات مكنش سايب ميراث اصلا

الباحث عن الحقيقة said...

الساحره
والله برافو عليكي
بس ايه ده انتم بتاخدوا درس مواريث بره
لااااااا
احنا لازم ندخل منهج المواريث قريب
بس انا كده اطمنت على بنتك
لان القاعدة المشهورة بتقول : اكفي القدرة على فمها تطلع البنت لامها
ان شاء الله هتجيب مجموع كبير في ثانوي وتدخل معهد متوسط قد الدنيا
ههههههههه
ان شاء الله تجيب مجموع كبير الاول وبعدين ابقى نشوف
خير ان شاء الله

عصفور المدينة said...

ربنا يحفظك بس درس المواريث ده صعب أوي
:)

الساحرة said...

امال انت فاكر ايه


فين الجايزة


لو عاوز دروس اديلك ههههههه


انا بهرج من بعض ما عندكم يا استاذنا

الباحث عن الحقيقة said...

ايييييييييه
ايه ده
عدت عليا ازاي دي

الزوجة الثمن يا خالتي الحاجه

الثمن

الثمن

وجاية تتكلمي على جايزة

الخوف بقى بجد احسن بنتك تطلعلك

العصاية من الفصل اللى جنبنا يابن حجر بسرعة
قال تديني دروس قال
روحي زاكري الاول

الباحث عن الحقيقة said...

عصفور المدينة
استاذي
شايف التلامذه هيعملوا فيا ايه

انا عايز اخد كورسات عندك
:)
هو مش صعب هو عايز تركيز
شكلنا كده مضطرين نعمل درس مواريث الموضوع الجاي

متشكرين على الزيارة يا استاذنا
والله مجيك بيسعدنا لاننا بنحب نطمن عليك

الساحرة said...

دي غلطه مظبعيه

انا عارفه انها الثمن

اتلخبطت

يا ابني انا حقوق من قبل ما تتولد

جني said...

فَإِن كُنَّ نِسَاء فَوْقَ اثْنَتَيْنِ فَلَهُنَّ ثُلُثَا مَا تَرَكَ

فَإِن لَّمْ يَكُن لَّهُ وَلَدٌ وَوَرِثَهُ أَبَوَاهُ فَلأُمِّهِ
الثُّلُثُ

وَلَهُنَّ الرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَدٌ
هذه الآيات الشارحة لمسألتك
ومع احترامي الشديد لفضيلتك وصاحبة الفضيلة اللي حضرتني ومش عارفة تصرفني
لو وزعنا التركة بالطريقة التي ذكرتها بعد التصحيح للساحرة سيكون هناك خلل في التوزيع بحيث سيكون هناك عجز ما يساوي ثمن التركة تقريبا ..
لذلك تحل المسألة بالشكل التالي
أصل المسالة = 24
بعد العول = 27
وتكون الأنصبة كالتالي:
الزوجة = 3/27
الأب = 4/27
الأم = 4/27
البنتان = 16/27
بواقع 8/27 لكل بنت
وبالتالي يزول العجز
أيه رأيك ياعمنا
مش أستاهل أنا الجايزة
واللي حضر العفريت يصرفه !!
شوف ياسيدي ومعك الساحرة - اللي حقوق قبل ماتتولد - مذا يحدث لو كانت زوجة الرجل حامل ؟؟؟
كفاية كدة سهرتني .. والصبح أخرتني عن شغلي
لكن علشان الورد ينسقي العليق
ما تنساش حجر المعسل بس يكون مغمس
سلام يا صاحبي
said

الباحث عن الحقيقة said...

الساحره والجني
هي ليلة معفرته باين عليها
يعني كان لازم تقولي انك قريتي الموضوع كويس
هههههه
يا عم جني السؤال كان من قبيل الدعابة البسيطة وسط التعليق
ومكنش الغرض الجواب اصلا لانه مش موضوعنا
واللى يجاوب بالكتير اوى يقول الانصبة المفروضة
مكنش الغرض ندخل في العول مره واحده
خلاص يا سيدي عرفنا انها محامية قبل ما تتولد
وانت شكلك فاهم يا نصه
طيب وريني هتوزع اربعة وعشرين جنية عليهم ازاى
اصل انت قاعد تقولى 3 من 27
و4 من 27
و16 من 27
ايه هو انت هتستلف اربعة من عند الجيران ولا هتكمل من جيبك
وانت فاهم
بس عايز اتأكد بأنك توزعهالى فلوس
وتقولى كل واحد هياخد كاااااام؟
وانا اللى جبته لنفسي
بس مضطرين نكمل
يلا اصل التركة معاك 24 ..وزعهالى كده
وريني هتعمل ايه؟

جني said...

قلتلك اللي حضر العفريت يصرفه
مش تجاوب انت الأول على سؤالي الخاص بالأم الحامل وبعدين ها أجاوب على التوزيع بالفلوس
ماشي ياعمنا
هاسيببك للزمن قصدي موقت علشان ما اتأخرش على الشغل زي امبارح
وجايلك وحضر لي الجايزة
سلام موقت
said

جني said...

أنا جيت
لسه برضه ما حلتش سؤالي ..
أنا عارف ان انت عارف ولكنك فاكر ان انا مش عارف.. انا بتاع بيولوجي نعم ولكني منذ فترة أجريت بحث عن علم الفرائض وأنشأت جدول للأنصبة بكل المسائل المشهورة ولكن للأسف كان ورقي وضاع مني مع النقل والسفر
المهم برضه أنا تلميذك والعين ما تعلاش على الحاجب (يعني بقيت حاجب مش محامي
شوف يامتر نحدد المضاعف المشترك بحيث يقبل القسمة على كل المقامات وسنجده 24
ثم نعطي كل فرد نصابه فإذا حدث عجز كما في هذه المسألة نلجأ للعول وهو إضافة(نستلف ) أقل الأنصبة وهو نصيب الزوجة 3 فتصبح المسألة بعد العول 27
ثم نبدأ القسمة وليكن المبلغ 1000 جنيه فتأخذ الزوجة 1000÷27×3= 111جنيه وهو الثمن
والبنتان 1000÷27×16=592.5 جنيها لكلا البنتان تقسم مناصفة بينهما الثلثان
الأب 1000÷27×4=148جنيه السدس
والأم كذلك=148جنيه السدس
يصبح المجموع = 999.5
والنص جنيه راح في كسور خليه علشاني
مش ها سيبك إلا إذا أخذت الجايزة
سلام يانصة
يعني نصة ؟؟
أوعى تكون كلمة مش بريئة
السلام عليكم وسلملي على الساحرة وابقى قابلني لو عرفتوا تصرفوني
احنا نسينا الجزية
خليها مرة ثانية فأنا اليوم مشغول
سلاااااااااااام

مجداوية said...

السلام عليكم

انا حاقولك من الآخر الرأى الذى لا يمكن أن تجد مثله
وأنا حأفتى والأمر لله

لا أعرف


ومن قال لا أعرف فقد ايه ؟؟؟
صح
أفتى

انت فاكرنى علامة ولا ايه أنا يا دوبك تلموذة لسه فى سنة أولى بالمعهد ومعظم معرفتى من القراءة لسه المواريث مخدنهاش بس أقولك بجد
أنا حادخل أنام شوية لأنى جيت من الدار للنار يعنى من الشغل على الكمبيوتر عشان الخطاب وبعد ما أقوم أقرالك شوية فى المواريث وأفهم
وأقولك اللى فهمته
يمكن يطلع زى رأى أخونا الكريم جنى واللى أنا شايفاه زى رأى اختنا الساحرة
أو أكرر نفس الفتوى اللى قولتها وأقول
لا أعرف

ادينى تلات أربع ساعات عمى
وربنا يفرجها
هى التركة مستعجلة أوى كده

بس بجد
ضحكتنى أخى الكريم لحسن ظنك بيا
ربنا يكرمك يا رب يا مستر

والسلام عليكم

الباحث عن الحقيقة said...

يا مجداوية
انتي استاذة
وبعدين اصل جني بيحلها بشكل مختلف اوي اول مره اشوفه
عموما يا جني انا لسه ما رجعتش الحسبة بتاعتك
بص تعملها زي ما تعملها
المهم الحساب يطلع مظبوط في الاخر
انا رحت لمجداوية
وصبرني يا رب
مش شرط حد يفتي
بس نتعلم سوا العول
معلش يا مجداوية مره واحده هنخليكي تذاكري العول
يعنى تفتحي كتاب المواريث وتقري من اول نص الكتاب

مجداوية said...

السلام عليكم
اولا قرأت موضوعك عن الجزية
وفعلا بحث رائع وجامع

وجميل ختامك بقول الكاتب المسيحى نبيل بباوى عن الجزية فى الاسلام
فشهد شاهد من اهلها حقا

اما توزيع التركة

فهو كما ذكرته الساحرة والخ جنى بتقسيم
الزوجة لها الثمن
الاب والام لكل منهما السدس
البنتان لكل منهما الثلث

اما العول
فهو صحيح تماما ما ذكره الاخ جنى
وشرحه كما فهمته وقرأته عول الاربعة والعشرين الى سبعة وعشرين
ثمنها ثلاثة للزوجة وسدسها اربعة للاب واربعة للأم وثلثاها ستة عشر للبنتين
فعالت الى سبعة وعشرين

الخلاصة ان اللى كتبه اخونا الكريم جنى صحيح لكن انا محتاجة حوالى جمعة كده عشان افهمها واحسب بيها زيه

اصل اختك شاطرة اوى فى الحساب باتلخبط لما باحاسب البقال تقوم تقولى مواريث
!!!!
لو حسبتها انا يحجروا عليا
حابعزق التركة
ويمكن يتعملى قضية تبديد

سيبونى اذاكر بقى ومتنزلوش مواضيع جديدة الا بعد شهر

ههههههههه
سلام عليكم

جني said...

أخي الكريم
عَنْ مَالِك عَنْ الْعَلَاءِ بْنِ عَبْدِ الرَّحْمَنِ عَنْ أَبِيهِ عَنْ أَبِي هُرَيْرَةَ
أَنَّ رَسُولَ اللَّهِ صَلَّى اللَّهُ عَلَيْهِ وَسَلَّم َ خَرَجَ إِلَى الْمَقْبُرَةِ فَقَالَ السَّلَامُ عَلَيْكُمْ دَارَ قَوْمٍ مُؤْمِنِينَ وَإِنَّا إِنْ شَاءَ اللَّهُ بِكُمْ لاحِقُونَ وَدِدْتُ أَنِّي قَدْ رَأَيْتُ إِخْوَانَنَا فَقَالُوا يَا رَسُولَ اللَّهِ أَلَسْنَا بِإِخْوَانِكَ قَالَ بَلْ أَنْتُمْ أَصْحَابِي وَإِخْوَانُنَا الَّذِينَ لَمْ يَأْتُوا بَعْدُ وَأَنَا فَرَطُهُمْ عَلَى الْحَوْضِ

بداية والله إني أحبكم في الله إخواني الذين لم أراهم ..

قد يظن البعض أن ما نتناوله على مدونتك يثير الجدل .. ولكني أقول وكلي ثقة أن ما نفعله هو نوع من الحوار الذي يثري البحث والقراءة لذا فكلنا مستفيد .. وأهلا بهذا النوع من الحوار الذي أتمنى أن يزيد الترابط فيما بيننا لله وفي الله بلا ادنى مصلحة شخصية ..

البحث والقراءة عملية ممتعة جدا وقد سهلتها لن البرامج الحاسوبية والموسوعات وقد تستهويني هذه العملية ولا أحس بنفسي لعدد طويل من الساعات حتى أصل لمسألة معينة ..

لك كل الحق أن تتاكد من الحل أو من وجود طرق أخرى لحل المسالة .. وأعرف الأخت مجداوية من خلال المدونة طبعا وربنا يبارك فيها وفي علمها .. ولكني لم أتعرف بعد على صبرني يارب ..ساصل إلى المدونة من خلال اللنك الموجود على سطح مدونتك التي أبت أن تحتوي جني ( معلش أحنا وقعنا من قعر القفة )
وإذا كان عفريت من الجن لن يسعفك فلك الحق في اللجوء إلى الذي عنده علم من الكتاب ..

نرجع مرة أخرى للمسألة
لو وزعنا مباشرة سيكون كالتالي :
الثمن = 1000/8 = 125جنيه
الثلثان = 1000/3 = 333،333 * 2 =666،666جنيه
السدس = 166،666 جنيه
السدس = 166،666 جنيه
المجموع = 1125 جنيه
والتركة 1000 جنيه فقط فما الحل ؟؟
يعني يامتر هاتدفع من جيبك 125 جنيه لما توزع التركة لهذه العائلة
لذلك لابد من العول لمنع هذا العجز
وهي عملية رياضية في الأساس
اقتنعت ياعم الحاج
بس برضه ما حلتش مسألة ماذا لو كانت الأم حامل ؟؟
سلام ياصاحبي

الباحث عن الحقيقة said...

برافو يا جن

انت حلتها بطريقه سهله على فكره بس مكنتش معتاده بالنسبالى
بس احنا مكناش بيقول نستلف اقل الانصبة كنا بنقول كل واحد يتحمل جزء من النقص بنسبة حصته
فبدل ما كانت الزوجة هتاخد 3 من 24 هتاخد 3 من 27
فلو التركة 1000 جنية على سبعة وعشرين سهم هتساوى 37 قيمة السهم الواحد يبقى نصيب الزوجة 3 في 1000 على 27 = 111,1

والبنتان بدل 16 من 24
هتبقى 16 من 27
يعني 16 في 1000 على 27 = 592,5

والاب بدل 4 من 24 اللى هو السدس
هياخد 4 من 27
يبقى 4 في 1000 على 27 = 148,1
والام مثله
هيتبقى معانا في الكسر واحد من عشرة حلال عليك

الحامل هنحوش للجنين نصيب ذكر
لغاية ما توضع فاذا وضعت انثى نعيد توزيعها من جديد

الباحث عن الحقيقة said...

ايه يابو السيد ما تصبر على رزقك

طب والله انا كنت فاكر اني ضايفك
استنى لما اتأكد كده

الساحرة said...

انا كتبتها ببساطه

بس ربنا يبارك في

جني شفت فايدة الجن اللي بحضرهم


تحياتي للجني والمجداويه

بس الحقوق محفوظه انا اللي جوبت الاول

ابن حـجـر الـعـسـقـلانـى said...

يا جدعان انا مابافهمش فى الحاجات دى يا جدعان .. أنا راجل بتاع معادلات رياضية

ادينى المعطيات و المطاليب .. أديك المعادلة و معاها الحل

و ممكن كمان أضرب لكم برنامج كمبيوتر فى السريع يحل لكم المعادلات دى

أما الكلام دة فبالنسبة لى طلاااااااسم

بس يا بختكم ... فاهمين

جنّي said...

لا أسكت الله لك حسا

ت س
ح ل
ي م
ا ا
ت ت
ي ي

shaimaa elgarhy said...

طبعاً انا كل مرة بدخل فيها بتأكد انى محظوظه ان عرفت مدونتك

جزاك الله خيراً

وقريت كمان الموضوع اللى قبله واللى قبله بس انا عارفه انى خسرانه كتير انى مش علقت عليهم بس ملحوقه...تحياتى ليك

صبرني يارب said...

باحث الله يسامحك يا باحث
بعد ما كتبت الرد فى نص ساعه الصفحه هنجت وكل الى انا كتبته ضااااااع يا ولدي

اولا تمام على موضوع الجزيه الله ينور عليك خد منى ياما الموضوع ده بس انت كاتبه حلو ما شاء الله عليك .

ثانيا : انت لا جيت قلتلى ولا حاجه على موضوع المواريث انا سمعت عنه من جني وجيت بصيت على الموضوع لقيته جزيه وما خدتش بالي من الردود وكده الا دلوقتي .
حضرتك جيت شلت التعليق بتاعك من عندي بس مش هانسهالك العمر كله .

ثالثا : بالنسبه لموضوع المواريث بصراحه انا ما عرفتش افهم جني اوي فى الموضوع ده انا مش متخصصه اساسا انا كل معلوماتي فى الموضوع ده الايات الى وردت فى القرآن عن المواريث وشرح التركه فى كتاب فقه السنه للسيد سابق حبيبى الكتاب ده اوي .

اسمحولي اقول باختصار الحاله دي :

لتسهيل الموضوه هانضرب مثال ولنقل ان التركه دي كلها عباره عن الف جنيه وهايكون تقسيمها بالترتيب كده ::

اولا : الزوجه: الثمن = 1000/8=125

ثانيا : الاب والام : لكل منهما السدس (سدس ما تبقى بعد حجب نصيب الزوجه) = 875/6=145.8 تقريبا
لكل واحد فيهم

يتبقى كام ؟؟
يتبقى تقريبا 583

ثالثا نصيب البنتين(الباقي مناصفة بينهما) : 583/2=291.7 تقريبا

حد فهم حاجه ؟؟؟

طيب بالنسبه لسؤال جني فى حالة حمل الزوجه
هاتفضل الانصبه كلها زي ما هي ما عادا نصيب البنتين لن يحدد الى بوضع الام حملها وبيان نوع المولود وتحدد على اساسه انصبة الابناء للذكر مثل حظ الانثيين .

وبالنسبه للجايزه ممكن اشرب كوباية نعناع او ميراميه عشان عندي برد فى معدتى ؟؟؟

ولو الصفحه هنجت والتعليق ضاع تاني هايبقى انت الى قاصدها معيا يا باحث هههههه

صبرني يارب said...

ايه ده ما شوفتش كلام الجني الى عامل فيه مثال الالف جنيه ده الا لما كتبت انا هههههههههههههه
انا كان قصدي على الى ما فهمتوش الكلام الى كان فى الاول اظاهر انى ما كملتش التعليقات ولا ايه

سوري يا كباتن

صبرني يارب said...

ايه ده لا لا مش دي الطريقه الى انا حاسبه بها برضه

مش عارفه بقى شوفوا حد كبيره نسأله انتم توهتوني ونستوني الكلمتين الى عارفينهم

انا الى اعرفه ان الزوجه بتاخد نصبها الاول وبعدين الاب والام والاخوه والى يتبقى بيتقسم بين الابناء
مش عارفه بقى الطريقه الى انت بتقولها يا جنى والعول وكده يا يعنى

عموما نحاول نفهم برضه ولو عرفت حاجه هاقولكم

جنّي said...

انت فين ياعم الحاج؟؟
سيبت الفصل ورحت فين بس ياخميس يابني
شوف صبرني يارب عملت ايه في التركة
روح ياشيخ ربنا يعمر بيتك
صحيح التقل صنعة

الباحث عن الحقيقة said...

اعتذر يا جماعة عن الغياب كنت في العاصمة القاهرة ورجعت اسيوط لقيت النت عندي فاصل
ولسه راجع حالا
فأعذروني على التأخير
اجري ياد يا بن حجر ذاكر دايما كده تكسفنا قدام المدرسة
يا جماعة ده اخره بتاع كانتين

الباحث عن الحقيقة said...

شيماء الجارحي
اشكرك جدا لاهتمامك بمتابعة الموضوعات اللى بتفوت حضرتك
وعذرك الوحيد هو انك بتغيبي حتى عن مدونتك ..لكن حرصك على متابعتنا في الحقيقة شئ بيسعدني طبعا
وبغيظ بيه جني

************

صبرني يا رب
اهلا وسهلا يا أم خالد خطوة عزيزة وعزيزة خطوة
انا رحت وجهتلك دعوة لمسألة المواريث اللى في التعليقات هنا
بس بعد ما قريت ردك على تعليقي اللى قبله قلت احسنلي اختفي وامشي من سكات
ارجو تكوني اتقبلتي اعتذاري

وبعدين اشكرك ان موضوع الجزية عجب حضرتك
وبخصوص المواريث اهو درس مجاني ..حاسس اني فاتح كتّاب
كله من شيخ المدرسين وشيخ العفاريت
قال عفريت من الجن المدونين انا احلها لك
رغم انها كانت طرفه مش اكتر
بس انا بشكره جدا
وطبعا بشكر حضرتك على الاهتمام والمحاولة
وهننزل لحضرتك مشاريب مجاني علشان خاطر اجتهادك ومحاولتك
واسعدني تشريفك جدا

الباحث عن الحقيقة said...

حبيب قلبي يا جن
روح يا شيخ وانا بحبك في الله
ما تقلقش ورقتك هتوصلك بكره مع الباشمحصر
تعرف في نفس اليوم اللى انت ذكرت فيه حل المسألة
كان فيه موضوع في منتدى الكنيسة بيتكلم عن الاخطاء في المواريث وذكر نفس المسألة بتاعتنا
وقال هل معقول الانصبة تبقى اكبر من التركة
فرحت نقلت ردك يا جميل على شوية تبسيط مني كده
والواد انكتم كتمة فول المدمس
قلت سبحان الله كأنها كانت مترتبة من عند ربنا
وبعدين انا مش سايب الفصل انا كنت في القاهره يا عم ولسه راجع
متشكرين يا ابو السيد انك واخد بالك من الفصل في غيابي